CCNA Routing and Switching

CCNA  Routing And Switching  පාඩම් මාලාවට යාළුවො හැමෝම  සාදරයෙන් පිළිගනු ලබනවා. මුලින්ම කියන්න ඕන මේ පාඩම් මාලාව සකස් කරන්න හේතුව. ඇත්තටම අපේ රටේ ගොඩක් අයට English වලින් තියන දේවල් තේරුම් ගන්න  අමාරුයි කියල අහන්න ලැබෙනවනේ. එක නිසා ගොඩක් අය English වලට අකමැති වගේම එන්ග්ලිෂ් වලින් උගන්වන අනිත් විෂයන් දිහා උනත් බලන්නේ වැරදි කෝණයකින්. ඇත්තටම එක ගොඩක් වැරදි වගේම English හදාගත්තේ නැත්තම් ලෝක අමාරුවක වැටෙන්නයි වෙන්නේ .දැන් ඔයාල හිතනවා ඇති CCNA පෙන්නලා English  Class එකක් කරන්න යනවා කියලා. ඉතින් තවත් කාලේ ගන්නේ නැතුව CCNA වලට බහිමුකො එහෙනම්..

මුලින්ම මම CCNA ගැන පොඩි හැදින්ව්මක් කරන්නම්කො.

1.       ඇත්තටම මොකක්ද මේ CCNA?

CISCO CERTIFIED NETWORK ASSOCIATE  එහෙමත් නැත්නම් CCNA කියල හදුන්වන්නේ Cisco ආයතනය විසින් පිරිනමනු ලබන තොරතුරු සන්නිවේදන තාක්ෂන (Information and  Communication Technology) විෂයට අදාළ  සහතිකයක් . ඇත්තටම කිව්වොත් CCNA කියන්නේ , නමේම තියනවා වගේ associate-level එකේ සහතිකයක්.

2.       එතකොට තවත් ලෙවල් තියනවද?

අපොයි ඔව්,  CCNA  කියන්නේ ප්‍රාථමික පන්ති වගේ. තව ගොඩක් ඉහලට යන්න පුළුවන්,

      

කියන්න අමතක උනානේ මොන්ටිස්සොරියකුත් තියනවා CCENT කියන්නේ එක තමා .ඒවා ගැන මම පස්සේ කියන්නම්කො . ඔය ත්‍රිකෝණයේ යට ඉදන් උඩට යනකොට අපේ ලෙවෙල් එකත් වැඩි වෙනවා.

3.       දැන් කොහොමද අපි ඕක ගන්නේ ?

හැම subject එකකම වගේ අප්‍රසන්නම අථ්දකීම මේකෙදිත් තියනවා. මේකෙත් Exam එකක් තියනවා.හැබැයි පුතේ ලෙසිනම් නැ, Online Exam එකක් තමා තියෙන්නේ.

මම මේ දැන් කියන්න යන්නේ  CCNA Routing and Switching Exam එක ගැන,

CCNA R&S සහතිකේ ගන්න නම් , ක්‍රම 2ක් තියනවා

a)      Cisco Certified Network Associate (CCNA) Routing and Switching composite exam (200-125)

මේ ඇවිල්ලා පුදපු ගමන් කාපු යකා වගේ එකපාර CCNA ගන්න exam එක.

මිනිත්තු 90 ක්  තියනවා , ප්‍රශ්න 50–60 අතර ප්‍රමාණයක් එනවා  exam එකට, මෙන්න මේ Topics වලින් තමා ප්‍රශ්න හැදෙන්නේ  ,

·         Network fundamentals,

·         LAN switching technologies,

·         IPv4 and IPv6 routing technologies,

·         WAN technologies,

·         infrastructure services,

·         infrastructure security,

·         infrastructure management.

ඕවා දැනට තේරෙන එකක් නැ. පාඩම් ටික ඉවරඋනාම මටත් උගන්නයි කට්ටියම. එකම දේ අසාවෙන් පාඩම් කරන්න .

b)      The ICND1 Exam (100-105) and ICND2 Exam (200-105)

පුදපුගමන් කාපු යකා theory එක සෙට් වෙන් නැති අයට මේ Exam දෙක දෙපාරකට කරලා CCNA certified වෙන්නත් පුළුවන්. මම අර කලින් කියපු CCENT එක ICND1 Exam එක ලිව්වම ගන්නත්  පුළුවන්.

4. දැන් එතකොට Routing and Switching ඇර වෙන මොනාද තියෙන්නේ ?

එක එක ශේස්ත්‍ර ඔස්සේ තව කිහිපයක් තියනවා මෙන්න මේවා වගේ ,

මෙවගෙනුත් වෙන වෙනම අර ත්‍රිකෝණයේ තිබුනාවගේ ඉහලට යන්න පුළුවන්.

5.       කියක් විතර යයිද ?

මොන දේ කරන්න ගියත් ඉතින් සල්ලි නැතුව බෑනේ . මේ EXAM වල  ගාන කාලෙන් කාලෙට වෙනස් වෙනවා දැන් තියන ගණන් කියන්නම්. ඒ උනාට මේක බලන් ගිහින්  ගාන වැඩි උනොත් මටනම් බනින්න එපා එනිසා හොදට හොයල බලල යන්න.

o   Routing and Switching composite exam (200-125)  එකට $325 ක් යනවා

o   The ICND1 Exam (100-105) and ICND2 (200-105) එක Exam එකකට  $165 ක් වැය වෙනවා

ගාන අහල CCNA එපා උන අයත් ඇති. ගාන පස්සෙනේ මුලින් ඉගනගන ඉමුකො. කැතම සිද්දිය ඕක නෙවේ යාලුවනේ CCNA valid වෙන්නේ අවරුදු 3යි . ඊට පස්සේ ආයිමත් Exam කරන්න ඕන. දුක් වෙන්න එපා මොකද ඔයා CCNP වගේ ccna වලට වඩා ඉහල certification එකක් කලෙත් තව අවරුදු 3ක් ccna extend වෙනවා. පටන්ගත්තාම වැඩේ ලේසි යාලු බයවෙන්න ඕන නැ. එහෙනම් අදට මේ ඇති අපි පලවෙනි පාඩමෙන් හම්බෙමුකෝ......